Во Музејот „Куќа на Робевци“ во Охрид

„Форми во црно” – изложба на мултимедијалниот уметник Мице Јанкуловски

„Форми во црно" е насловена изложбата на мултимедијалниот уметник Мице Јанкуловски која вечер од 20 часот ќе биде отворена во музејот „Куќа на Робевци" во Охрид.

Со изложбата се одбележуваат 50 години уметничко творештво на Јанкуловски, кој до крајот на годинава ќе има самостојни изложби И во Прилеп, Куманово и Тетово и меѓународни претставувања во Торино, Санкт Петербург и Солун.

Куратор на изложбата е Корнелија Конеска, а ќе ја  отвори д-р Мелани Зеферино од Италија, автор на текстот „Формите во царството на естетската меморија” за творештвото од „Форма 3” на Јанкуловски. 

Мице Јанкуловски (1954, Сливово, Охрид) од најрана возраст истражувал различни дисциплини во уметноста  – од цртеж до слика, користејќи различни материјали и техники, вклучувајќи сатирично сликарство на стакло, од палиндром до карикатури и анимирани филмови.  Неговото творештво опфаќа различни медиуми и го рефлектира неговиот поглед кон светот како реалност која постојано се менува.

Јанкуловски има одржано над педесет самостојни изложби во престижни простори во земјава и на меѓународната сцена, како и голем број учества на групни изложби.

Добитник е на највисоки меѓународни награди за творештво. Оваа година ја доби Наградата за животно остварување „Лоренцо ил Магнифико” на Биеналето во Фиренца,  минатата година – наградата „Уметник на светот” на Биеналето во Ларнака, а во 2017-та – Гран-при на Меѓународното биенале на графика во Варна…

Изложбата „Форми во црно“ во Охрид  ќе биде отворена за посетители до 15 август. 

 

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе