Ликовна уметност

Преку изложба насловена „85 години Попова Шапка“, планинарскиот клуб „Љуботен“ од Тетово ја одбележа јубилејната годишнина од отворањето на првиот планинарско-скијачки дом „Попова Шапка“ на 11 ноември 1934 година.

Во пресрет на месецот ноември, или во контекст на месецот на подигнување на свеста за машкото здравје и глобалната кампања на пуштање на мустаќи кај мажите - Мувембер (Movember), Националната галерија ја организира изложбата насловена „Мустаќлии“ на дела од нејзината богата колекција која се отвора на 14 ноември, во Мултимедијалниот центар Мала станица, 20.00 часот.

Во Музејот на современа уметност – Скопје вечер ќе биде отворена изложбата „Бау1хаус“ на берлинскиот фотограф Жан Молитор. Изложбата се реализира во соработка со Амбасадата на Германија и Архитектонскиот факултет во Скопје по повод стогодишнината на познатата и исклучително влијателна архитектонска школа Баухаус.

Во Галеријата „КО-РА“ во Скопје вечерва ќе се одржи стрип-изложба „Скопска стрип акција 2019“ на која ќе бидат изложени подобрите стрип дела од македонските автори од меѓународниот конкурс на стрип „Велес 2019“, а ќе се врачат и наградите на македонските автори.

Колективна изложба „Есенски салон“ на 15 уметници членови на Здружението „Арт Полог“ беше свечено отворена вчера во Уметничката Галерија во Тетово. Претставените дела ќе бидат изложени и ќе може да се погледнат до среда 30 октомври.

Во Македонската академија на науките и уметностите (МАНУ) вечерва беше отворена изложба на икони на Дичо Зограф.

Фото – клубот „Чкрап“ од Тетово синоќа ја отвори традиционалната 16. годишна изложба на фотографии во Уметничката галерија во градот.