Завршија „Струшките книжевни средби“

Во Струга заврши мегународната книжевна манифестација „Струшки книжевни средби“ – 2022, една од најстарите во земјата, која, покрај во градот на поезијата, одделни содржини, реализираше и во Вевчани.

Во црквата „Св. Никола” се одржа „Поетска панорама”, насловена: „Од еден до друг брег“ („Са jedne на drugу obalу“), што е наслов на поетската збирка со творби од  македонски и хрватски поети, приредена од починатиот поет Петко Шипинкароски и професорот Васил Тоциновски.

Тоциновски беше еден од промоторите, заедно со Мишо Китаноски и Христо Петрески, претседател на Друштвото на писателите на Македонија.

„Поетскиот зборник „Од еден до друг брег“ („Са jedne на drugу obalу“), доаѓа како потврда на многустолетните македонско-хрватски книжевни врски, од старите времиња на глаголицата, па се до денес“, рече Тоциновски.

Во книгата се застапени вкупно 28 поети, по 14 од Хрватска и Македонија, а е  издадена од Здружението   за   литература,  култура   и   уметност   „Бран“   од   Струга, инаку, организатор на книжевните средби, а во соработка со   Хватското   книжевно друштво „Книжевно перо“ од Риека.

Присутните автори од Хрватска и Македонија читаа свои песни.

Попладнево, беше извршена и промоција на најновиот, дваесетти број, од книжевната ревија „Бранувања“, овој пат, исцело посветена на првиот уредник и издавач Петко Шипинкаровски.

Беседа во чест и слава на Петко Шипинкароски имаше  новинарот, публицист  и поет, Мишо Китаноски, кој го претстави Шипинкароски како еден од најплодните, истовремено, и најпреведуван автор во странство, после Борис Вишински, додека ревијата ја  промовираше, поетот  Христо Петрески

„Петко беше неуморен истражувач и љубопитник, кој се испробуваше, речиси истовремено, во повеќе книжевни жанрови, а негова специфика и најголем квалитет беше познавањето и примената на народниот, изворен, подзаборавен македонски јазик и говор“, потенцираше Петрески.

Манифестацијата заврши со вечерно „Поетско матине” и доделување на двете признанија, наградата за „Животно дело” за 2022 година, која му припадна на новинарот во пензија и романсиер Наум Бајо, додека наградата за „Посебни книжевни остварувања од странство“,годинава, ја понесе  Никола Шимиќ Тонин, кој живее и создава во  Задар Хрватска, за кое подрачје е и претседател при Хватското книжевно друштво.

Наградите се доделуват во чест на Петко Шипинкаровски и се насловени како „Петковиот аманет “.

Првонаградените, од свештеникот на црквата во Вевчани, отец Зоран Попоски добија дар – рачно плетени волнени чорапи, специфичен македонски сувенир.

Сите учесници, покрај сертификат за учество, добија примерок од 20-тиот број од ревијата „Бранувања”,  во која е објавено нивно авторско дело,  заедно со две збирки песни од Петко Шипинкаровски.

В.М.

 

 

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе