Во „Јавна соба“ ќе стартува проектот „Книжевни магнитуди“ со Марта Маркоска

Поетесата Марта Маркоска во рамките на проектот „Книжевни магнитуди“, кој ќе почне на 20 март, во 19 часот, во „Јавна соба“ заедно со гостите Ристо Лазаров и Лидија Капушевска - Дракулевска ќе биде „на ’Ти‘ со авторот. Без цензури“. Запознајте го човекот-автор за подобро да го разберете неговото творештво, потенцира Маркоска.

„Книжевни магнитуди“ е прв од ваквиот тип настани во Македонија каде секој слушател/читател ќе има можност да го запознае авторот одблизу и да го праша сè што сака, за него и за делото, бидејќи разговорите ќе се водат како отворена трибина, без цензура.

„Македонските поети заслужуваат достојно да бидат претставени пред што поголема слушателска, а потоа и читателска публика без разлика на која генерација ѝ припаѓаат. На овој начин, младите авторски генерации ќе добијат поголем публицитет пред постарите, и обратно, постарите ќе ја добијат должната почит пред помладите генерации.

Марта Маркоска

Дојдете ни во домашна атмосфера и пријатно расположение заедно да создадеме позаинтересирана, поголема и поупатена читателска публика. Да ги обединиме практичарите и теоретичарите, поетите и прозаистите, книжевниците и филозофите, слушателите и читателите.

Да успееме, најсетне, да направиме пакт и да се запознаеме меѓусебе подобро, особено затоа што во последниве, не години, туку, децении, значително си недостигаме“, вели Марта Маркоска, приредувач на програмата и носител на проектот.

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе

Повеќе од 40 години пишувам за самостојноста на македонскиот јазик и идентитет и на моменти бев подложуван и на физички напад поради моите ставови. Јас не би прифатил ништо што го негира признавањето на Македонија.

повеќе