Романот „Марта“ од Горјан Петревски доживеа 21 - во издание

Реиздаден е романот „Марта" од Горјан Петревски, со години најчитаната книга од овој автор кој најголем дел од своето творештво им го посвети на децата и тинејџерите. Уште со првата објава учениците и наставниците во основното образование го одбраа како дополнителна, а потоа стана и задолжителната лектира. Романот е објавен во 1989 година во „Детска радост“ на тогашната НИП „Нова Македонија" во 2.000 примероци, а со истиот тираж е и најновото 21-во издание. Инспирација за романот е анонимно писмо на тинејџерка која го бара својот непознат татко.

Тоа што е интересно за овој роман, сега реиздаден од „Македонска реч“. е што со подеднаква љубопитност го читаат тинејџерите, но и возрасните.

„Романот е пишуван според вистинска случка опишана преку анонимно писмо во рубриката „Вљубена страница" во списанието „Наш свет", која што ја уредував триесет и шест години. Во него, и покрај траумите што ги доживува четиринаесетгодишната Марта, која трага по својот непознат татко, приказната завршува со хепиенд. Тоа посебно до израз доаѓа во вториот дел со наслов „Другата Марта", кој доживеа две, а наскоро ќе биде објавено и трето издание. Всушност, проблемите што анонимно ми ги доверуваа тинејџерите, најдоа место и во другите мои романи. Притоа насетив дека возраста треба да се 'подигне' малку повисоко. Тоа, на мое задоволство, им се допадна и на читателите“, вели Горјан Петревски.

Романот „Марта" е преведен и на англиски јазик, а е застапен во проектот „130 трома македонска книжевност".

Корицата и компјутерската обработка се на академскиот сликар Томе Манески, а печатен е во печатницата „ГРАФО – ДЕН" – Скопје.

Време е да се фокусираме врз суштинските проблеми. Време е да создадеме вистински ’општествен договор‘ за владеење на правото и на човековите права како главни столбови на европските вредности

повеќе

Стратешко партнерство на македонската влада со Зока енерџи солушнс, компанија регистрирана за обработка и отстранување на опасен отпад, не е правилен начин за решавање на проблемот во мала држава како Македонија.

повеќе

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе