Промовирана фотомонографија „Црвениот виор на Тоде Ивановски“

„Црвениот виор на Тоде Ивановски“ е фотомонографија, збирка од фотографии од ликовното творештво и искажувања на луѓе во чии сеќавања е врежан ликот на Тоде Ивановски како наставник, пријател но и учесник во народноослободителната борба, партизан кој токму на денешен ден во 1944 година бил ранет, посочи авторот на фотомонографијата, новинар во пензија Данка Јанковска, ќерка на Тоде Ивановски.

Фотомонографијата содржи фотографии од НОВ и периодот по ослободувањето, слики кои Тоде Ивановски ги цртал во тоа време.

„Тоде Ивановски беше истакнат граѓанин на Битола, во три наврати ја добиваше наградата 4-ти Ноември и е прв добитник на наградата за животно дело по востановувањето на највисокото признание во градот од страна на Советот на Општина Битола. Оваа фотомонографија е важна за идните генерации“, рече меѓудругото новинарот Данка Јанковска на синоќешната промоција во Битола.

Фотомонографијата „Црвениот виор на Тоде Ивановски" ја промовираше Лилјана Христова која истакна дека Ивановски е значајна личност во македонското современо ликовно творење и е со богат опус кој почнува во предвоениот период.

„Творештвото на Ивановски е непрекинат континуитет на инспиративната тема, основна и единствена, а тоа е народноослободителната војна како израз на основното мото на авторот, дека за него револуцијата трае и продолжува. За Ивановски, постојан интерес е човекот како дел од природата, како самотник и како сила што го движи универзумот“, посочи промоторот Христова за делото на Ивановски презентирано во фотомонографијата „Црвениот виор на Тоде Ивановски".

Организатор на промотивниот настан што синоќа се одржа во Битола беше ОО на Сојуз на борци, а издавањето на фотомонографијата е поддржано од Министерство за култура.

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе

Наместо ефтини штосови на прес конференциите на СДСМ, ВМРО и ДУИ, на кои во несвест паѓаат само  партиските послушници, нивните лидери треба да одговорат на конкретни прашања.

повеќе