Во МКЦ

Промоција на книгата „Живот с иди(ј)отима“

Во придружната програма на 18. Фестивал на европски филм „Синедејс“ вечер од 20.30 часот во МКЦ ќе биде промовирана „Живот с иди(ј)отима“ – автобиографска книга на поранешниот басист на панк-бендот КУД Идијоти, Ненад Марјановиќ – Д-р Фриц.

„Книгата го опфаќа дискографски најпродуктивниот дел од кариерата на бендот, кој во текот на воените години се здоби со култен статус низ целиот Балкан, а антивоениот став и нескриен антифашизам ги рангираа КУД Идијоти меѓу иконите на урбаната левица во овој дел од Европа. „Живот с иди(ј)отима “ е искрена и емотивна приказна за Пула, Истра, љубов, омраза, крај на еден систем и воспоставување нов, крај на една и воспоставување на друга држава“, соопшти организацискиот тим на фестивалот.

Ненад Марјановиќ – Д-р Фриц (Пула, 1964) е новинар и коментатор на истарскиот портал „Regional Express“, уредник и водител на сатиричното телевизиско шоу „Систематски преглед“ и двигател и сопственик на истарската „Рок галерија“.

Од 13 часот во МКЦ во придружната програма ќе се одржи работилница – вовед во маркетинг на филм: „The Do’s and Don’t’s” со цел филмаџиите да научат да бидат одговорни за маркетингот, продажбата и дистрибуцијата на нивниот проект.

На предавањето ќе бидат претставени „тајните оружја“ на маркетингот – позиционирање, бенчмаркинг, предности и предизвици, одредување на целна публика, а ќе се зборува и за промоција на блокбастери наспроти инди филмови, модели за дистрибуција, филмски маркетинг во дигиталната ера и корисни совети за создавање на најдобри можни материјали за промоција.

Предавањето ќе го одржи Кристина Пелекани, магистер по менаџмент во уметноста на Сити универзитет во Лондон, која дипломирала маркетинг.

„Една од целите на предавањето е да им се помогне на продуцентите да размислуваат и како филмски инвеститор и како филмски љубител“, соопшти „Синедејс“.

Државниот врв на Србија, вклучително и група лекари кои ја предводат борбата против ширењето на вирусот корона, во најмала рака го игнорираа влошувањето сè додека не заврши гласањето.

повеќе

Како Босна и Херцеговина се справи и се уште се справува со кризата предизвикана од пандемијата? Зошто немавме единствен кризен штаб на ниво на држава? 

повеќе

На 2 јуни во Црна Гора беше прогласен крај на епидемијата. Од првиот бран, земјата излезе со следниот биланс: 324 заразени и 9 починати лица.

повеќе