Во Битола

Отворена празнична изложба на книги за 11 Октомври

Универзитетската библиотека „Св. Климент Охридски“ – Битола промовира изложба на книги посветена на претстојниот државен празник 11 Октомври. Станува збор за авторски книги инспирирани од Народноослободителната борба, книги посветени на македонски народни херои, како и други публикации кои се поврзуваат со државниот празник 11 Октомври.

За љубителите на пишуваниот збор, меѓу другите изложени се книгите „Кажување за луѓе и настани од НОБ“ од авторот Боро Китановски, книги за народниот херој Кузман Јосифовски-Питу и поетот револуционер Мите Богоевски, литературен зборник „11 Октомври“, книга за народниот херој Стив Наумов, книгата „Тоде Ивановски – живот и дело“, како и многу други книги чиј издавач е Универзитетската библиотека „Св. Климент Охридски“ – Битола.

Празничните изложби на книги во библиотеката се редовна и традиционална содржина во таа национална установа.

Изложбата на книги посветена на државниот празник 11 Октомври е поместена во фоајето на Библиотеката.

ЕУ треба принципиелно да реагира на отворениот национал-шовинизам на бугарскиот парламент, се вели во отвореното писмо на македонски академици и професори до европретставниците во Македонија.

повеќе

Нашиот процес на преговори многу веројатно ќе биде предмет на уште построги критериуми и мониторинг имајќи ги предвид искуствата на земјите кои во моментот преговараат. 

повеќе

На Македонија и Бугарија им треба дебата која ќе го унапреди историското разбирање без робување на идеологии, митологии и политики.

повеќе