Oбјавен годишниот конкурс за наградата „Браќа Миладиновци" за 2022 година

Националната установа – манифестација „Струшки вечери на поезијата" го распиша годинашниот конкурс за наградата „Браќа Миладиновци" за најдобра поетска книга, објавена на македонски јазик меѓу две фестивалски изданија, во периодот од 1 јуни 2021 до 31 мај оваа година.

На конкурсот, кој ќе трае до 25 јули, како што е наведено, може да биде пријавена и книга објавена двојазично, каде поетското творештво на македонски е оригинално создадено, односно, не е превод од друг јазик.

„Пријави можат да поднесат авторите или нивните издавачи со согласност од авторот, а еден автор или издавач може да учествува со неограничен број наслови. Пријавените поетски книги треба да се првообјавени во периодот за кој се доделува наградата и да не бидат претходно објавени на друг јазик. Можат да бидат пријавени само дела од еден автор, додека коавторски дела се неприфатливи. Книгите мора да имаат ISBN број,“ стои во конкурсот на СВП.

Според конкурсот, избори или книги во кои има препечатени делови од други книги нема да бидат земени предвид. Книги од членови на Управен и Надзорен одбор на СВП, директорот на институцијата, вработени или членови на жири-комисијата и нивни поблиски роднини нема да бидат прифатени.

Авторите или издавачите за учество на конкурсот мора да испратат шест примероци од книгата на адреса: НУ манифестација „Струшки вечери на поезијата", поштенски фах 111, „Браќа Миладиновци" бр.5, 6330 Струга, Република Македонија.

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе

Доколку чувствуваме дека нашиот труд ќе биде награден со успех, ќе ѝ приоѓаме на околината со апетит, доверба и храброст.

повеќе

Од општи формулации кон конкретни разговори.

повеќе