Марта Маркоска ќе ја претставува Македонија на интернационален поетски фестивал во Никарагва

На покана на организаторите на Интернационалниот поетски фестивал во Гранада, Никарагва, поетесата, Марта Маркоска, ќе го претстави своето авторско творештво во периодот од 11 до 17 февруари.

Поетскиот фестивал во Гранада е со долгогодишна традиција и воедно претставува еден од најголемите поетски фестивали во Централна Америка. Ова е негово четиринаесетто издание, а е посветено во спомен и чест на починатите поети Фернандо Силва Еспиноза од Никарагва и поетот Роберто Соса од Хондурас.

Марта Маркоска досега има единаесет авторски објави и препеви на нејзините песни, на преку 11 јазици, меѓу кои и најновиот препев, „Црне рупе у нама“, во издание на „Граматик“ од Белград, чие излегување беше промовирано неодамна.

Препевот на песните од книгата „Црни дупки во нас“, од македонски на шпански, го направи Сања Михајловиќ – Костадиновска, а нивната лектура, познатиот кубански поет, Виктор Родригез – Нунез.

Годинава, на интернационалниот поетски фестивал во Гранада, гостуваат 118 поети од целиот свет.

Поетесата Марта Маркоска е единствена претставничка од Македонија.

Операциите направени кај повеќето интерсексуални новороденчиња е од козметички причини.

повеќе

Внимателноста во водењето на преговорите за името и изјавите околу нив сега е повеќе од нужна.

повеќе

Во најсеверните делови на грчките региони Западна и Централна Македонија, сите народни ора се инструментални песни. Традиционалните песни во овие региони некогаш имаа зборови - но тие беа на јазик што грчката држава речиси еден век се обидува да го избрише: македонскиот словенски, вели Петрос Карацареас, лектор по англиски јазик и лингвистика на Универзитетот на Вестминстер, Велика Британија.

повеќе