Летна школа и Меѓународна научна конференција на Семинарот за македонски јазик, литература и култура на УКИМ

Во Конгресниот центар во Охрид од денеска до 5 септември ќе се одржуваат 54. Летна школа и 48. Меѓународна научна конференција на Меѓународниот семинар за македонски јазик, литература и култура при Универзитетот „Св. Кирил и Методиј“ во Скопје.

По пауза од една година поради епидемијата на коронавирусот, во Охрид оваа година повторно се враќаат традиционалните манифестации – Летна школа на Меѓународниот семинар за македонски јазик, литература и култура при Универзитетот „Св. Кирил и Методиј“ од Скопје, со настава и предавања во живо,  согласно пропишаните протоколи во време на пандемија.
На ова издание од Летната школа, своето учество го потврдиле 40-ина нови и стари, непознати и помалку или повеќе познати семинаристи од 15 земји во светот, голем интерес што во најголем дел се должен на вложеноста на лекторите по македонски јазик во лекторатите на странските универзитети, како и на професорите/предавачите македонисти и слависти на странските универзитети.
Во текот на дваесетина дена учесниците на годинешната Летна школа ќе имаат можност да слушаат лекторска настава со вкупен фонд од 55 часа, како и 13 предавања од врвни специјалисти и познавачи на творештвото на Блаже Конески од повеќе аспекти, но и да проследат неколку културни настани.
Во рамките на 54. Летна школа, на 25 август преку платформата Зум ќе се организира и тркалезна маса на тема „Блаже Конески во наставата по македонски јазик, литература и култура на странските универзитети“ на која ќе учествуваат 15 лектори по македонски јазик на странските универзитети и универзитетски професори (странски македонисти).
Предвидени се и неколку промоции на изданија, меѓу кои „Конески на 11 јазици“, зборник со препеви на песни и преводи на прозни текстови од Конески остварени од странски македонисти, како и „Теми за македонската литература 20 век“ на академик Ала Шешкен од Универзитетот „Ломоносов“ во Москва.
И оваа Летна школа е дел од годишната програма на МСМЈЛК при УКИМ, а се остварува во рамките на богатата програма посветена на големиот јубилеј на великанот Блаже Конески, како дел од Програмата на манифестацијата „2021 – Година во чест на Блаже Конески“, под покровителство на претседателот на државата Стево Пендаровски, а во координација на Министерството за култура и во соработка со Министерството за образование и наука.
На 3 септември ќе се одржи и 48. Меѓународна научна конференција на која покрај домашни, ќе учествуваат и 20 странски излагачи. Околу 80 македонисти, слависти и балканисти ќе ги изложат своите истражувања на тема „100 години од раѓањето на Блаже Конески – стожер на македонскиот јазик, литература и култура“. 
 

Радован Павловски (1935, Ниш, Србија) е водечко име на третатта генерација македонски писатели, која во нашата литература се појави во шеесеттите години на минатото столетие и внесе нов творечки дух со препознатлив национален белег.

повеќе

Во јавните високообразовни институции, научноистражувачката дејност е целосно маргинализирана под неопходниот минимум.

 

повеќе

Го потсетувам претседателот на државата дека уставниот рок за создавање на парламентарно мнозинство е 20 дена, а веќе 30 дена Владата нема парламентарно мнозинство.

повеќе