ОТВОРЕН КОНКУРС

Домот на култура „Кочо Рацин“ од Скопје објави конкурс за книжевно-поетска работилница

ЈУ Дом на култура „Кочо Рацин“ - Скопје, под покровителство на Град Скопје, објави Конкурс за учесници на книжевно-поетска работилница „Есенски креативен мозаик“. Целта на работилницата е развивање на креативното мислење и интелектуалното развивање на младите лица од средните училишта, студентите и на оние кои имаат афинитет кон пишаниот збор и креативното изразување.

Право на учество имаат лица до 35 години, кои ќе имаат можност да научат практично да ги пишуваат најрепрезентативните книжевни жанри: поезија, проза и драма. Модератор и организатор на работилницата е м-р Марина Мијаковска, додека работилницата ќе ја водат писателите: м-р Марина Мијаковска, д-р Славчо Ковилоски и Стефан Марковски.

За работилницата се предвидени четири термини (во сабота), во месец октомври 2017 година. Работилницата вклучува креативни вежби, практично креативно изразување, дискусии, дебати и евалуација на резултатите од креативниот труд. Најдобрите творби на учесниците ќе бидат објавени во Алманах за кој е предвидена промоција на истиот.

Место на одржување на работилницата е објектот на Домот на култура „Кочо Рацин“ (Дом на градежниците) во Скопје, а рокот за пријавување е 29 септември 2017 година.

Заинтересираните кандидати (со име, презиме, број на телефон) може да се пријават на следниов контакт: hristovskaj@yahoo.com.

Да се стави точка на великобугарскиот шовинизам е насловот позајмен од едно писмо напишано во јули 1946 година од Илинденската организација до Владата на слободна Македонија.

повеќе

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе