РАЦИНОВИ СРЕДБИ

Добитници на „Рациново признание“ за 2016 година се Владимир Јанковски и Сашо Димоски

Комисијата во состав проф. д-р Јелена Лужина, проф. д-р Елизабета Шелева и писателот Димитрие Дурацовски одлучи оваа година наградата рамноправно да ја поделат двајца автори - Владимир Јанковски за романот „Невидливи љубови“ и Сашо Димоски за книгата „Петтото годишно време“.

„Констатиравме како жири дека најинтригантните книги пријавени на годинашниот конкурс – најиновативни ’во форма, структура и содржина‘, како што стои во конкурсните одредби, ги имаат напишано токму најмладите македонски прозаисти. Годинашното ’Рациново признание‘ ја поддржува и ја афирмира токму најмладата македонска проза, а комисијата својата одлука ја заклучува со убедување дека македонските издавачи и автори ќе ја препознаваат и во иднина ќе ја поддржуваат токму ваквата профилација на оваа респективна награда“, стои во образложението за наградата што од име на комисијата го искажа проф. Јелена Лужина.

Наградата „Рациново признание“ се доделува за прозна книга што е иновација во форма, структура и содржина и што ја одбележала годината помеѓу двете „Рацинови средби“.

„Почесното Рациново признание“ за придонес на афирмација на македонската литература надвор од границите на земјава, годинава го доби преведувачот Борислав Павловски. Тој дипломирал на Филозофскиот факултет во Загреб, каде и што магистрирал и докторирал на драматургијата на Коле Чашуле. Од македонски јазик на хрватски јазик превел 21 драма и 13 романи.

На добитниците наградите ќе им бидат врачени на церемонијата на свеченото затворање на 53. „Рацинови средби“, што ќе се одржат на 9 и 10 јуни во Велес. На отворањето на книжевната манифестација, на 9 јуни, ќе бидат врачени и поетската награда „Антологија на болката“ и Твитер-наградата „Напиши љубов во 140 карактери“. Дел од содржината на манифестацијата се и изложби, промоции, перформанси, како и процесијата „1000 свеќи за Рацин“.

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе