Највисоко признание за долгогодишни остварувања

Димитар Башевски и Виолета Томовска меѓу добитниците на државната награда „Свети Климент Охридски“

Писателот Димитар Башевски, примадоната на Националната опера и балет (НОБ) Весна Ѓиновска-Илкова и доајенката на македонската народна песна Виолета Томовска се добитници на највисоката државна награда „Св. Климент Охридски“ во областа на културата и уметноста.

Министерството за култура соопшти дека во областа на воспитанието и образованието наградата „Св. Климент Охридски“ ја добива проф. д-р Агим Пољоска, албанолог, а во областа на здравството проф. д-р Дејан Докиќ, пулмолог-алерголог.

За доделувањето на државната награда „Св.Климент Охридски” за 2019, како највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Северна Македонија одлучил одборот на чело со академик Влада Урошевиќ.

Наградите на добитниците ќе им бидат врачени на 8 декември во 12 часот, во свечената сала на Собранието.

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе

Десензитивизацијата на Американците кон вртоглаво зголемениот број на жртви во пандемијата ја оправдува познатата опсервација на Јосеф Сталин: „Една смрт е трагедија; еден милион е статистика “. 

повеќе

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе