КНИЖЕВЕН ПРЕВОД

„Антолог“ го објави романот „Робинката“ од една од највлијателните авторки од Сингапур

Издавачката куќа „Антолог“ од Скопје го објави романот „Робинката“ од Кетрин Лим, една од најзначајните сингапурски авторки и добитничка на титулата Витез од редот на уметноста и литературата. Преводот на македонски јазик е на Елизабета Божиноска.

Овој извонреден роман ја раскажува емотивната приказна за четиригодишната Хан, најмалата ќерка во едно сиромашно семејство. Продадена како робинка во Куќата на Ву, таа брзо формира цврста врска со младиот наследник, но идилата на приврзаноста набрзина се претвора во кошмар, кога Хан станува тинејџерка – прекрасна, горда и вљубена во младиот господар. Нејзиниот живот се претвора во борба против силите на традицијата и тиранијата во еден свет во кој сладострасните машки роднини ги користат робинките за неселективно задоволство.

Истовремено романот е моќна студија за детското ропство и за сексуалното предаторство и крајно вознемирувачка и величествено инспиративна приказна. „Робинката“ доловува богато и моќно кинеско семејство во ера на убавината и на бруталноста, следејќи една љубов – сè до нејзиниот вчудовидувачки климакс.

Книгата е објавена со поддршка на Националниот совет за уметност од Сингапур.

Кетрин Лим (1942) е сингапурска авторка на дела од различни жанрови. Била професорка, директорка, предавач, пред целосно да му се посвети на пишувањето. Има освоено неколку литературни награди, меѓу кои и Витез од редот на уметноста и литературата. Нејзините дела се изучуваат во образовните институции и се објавени на повеќе јазици. Таа е политички коментатор и медиумска личност во Сингапур, во Европа и во Австралија. Ја сметаат за доајен на сингапурската литература.

Книгата е достапна и во новоотворената книжарница на „Антолог“ во центарот на Скопје.

Храбрите лидери можат да успеат со порака за надеж, отвореност и инклузивност и со промовирање на визија за напредок заснована на веродостојни реформи.

повеќе

Кога панаѓурот ќе помине, и кога наредното утро ќе се погледнете во огледало – сите работи што ве прават незадоволни од самите себеси и понатаму ќе бидат видливи: и изгледот, и навиките, и карактерот... Само идентитетот ќе ви го нема.

повеќе

Договорот помеѓу Република Македонија и Република Грција, доколку биде ратификуван, ќе влезе во аналите на историјата на дипломатијата.

повеќе