Книжевност

Со доделувањето на традиционалната награда „Поетска муза“ за најдобра интерпретација и стилска композиција на песна на хрватската поетеса Анѓелка Корчуланиќ за делото „Писмо до Никола Тесла“, синоќа во Битола почна меѓународниот фестивал „Поетски синтези“.

Најновата книга на Љубомир Грбевски „Лет со умот кон папокот на универзумот“, ќе биде промовирана в петок во 12 часот во градската кафеана „Пелистер“ во рамките на манифестацијата „Скопско лето“. Промотор на книгата ќе биде писателот Стево Симски, а музичката поддршка ќе биде од Јаков Дренковски. Делови од пиесите ќе изведат актерите Елизабета Клинчаревска Младеновска-Ели и Кирил Трајковски-Максим.

Во рамки на проектот „Читајќи го Балканот" денеска во Скопје, во организација на издавачката куќа „Готен" ќе се одржи разговор со писателите Жарко Кујунџиски, Петар Андоновски, Живко Грозданоски и Илија Ѓуровиќ.

Издавачката куќа Антолог од Скопје во рамките на проектот „Биди свој, биди ЕУ!", ја објави книгата „Невидливиот чувар" од баскиската авторка Долорес Редондо (Шпанија).

Во Салон 19,19 во Културно-информативниот центар вечерва од 19,19 часот ќе биде промовирана книгата „Да не бидам покусо" од новинарот Ѕвездан Георгиевски.

Со Беседа за Рацин и Меѓународен поетски митинг со учество на поети од балканските земји вечерва во 20.30 часот во салата на театарот во Велес свечено ќе бидат отворени годинашните 56-ти по ред Рацинови средби.

Угледниот белградски издавач ,,Архипелаг" ја објави најновата книга на македонскиот поет Ристо Лазаров во превод на српски јазик.