Денови на руски јазик и култура од 22 септември до 30 октомври

Денови на руски јазик и култура ќе се одржуваат од 22 септември до 30 октомври на иницијатива на Рускиот центар при Универзитетот „Св. Кирил и Методиј“ во Скопје, со поддршка на Амбасадата на Русија во Северна Македонија и компанијата „Лукоил Македонија“, а манифестацијата ќе биде финансирана од Фондацијата „Руски мир“. 

Свеченото отворање на манифестацијата е во среда, 22 септември, со концерт на руска класична музика во Музејот на македонската борба. На концертот ќе учествуваат македонските музичари: Ана Кондратенко, Бојан Илковски, Бојан Талевски, Марија Михајловска и Марија Вршкова, кои ќе изведат дела на Рахманинов, Чајковски и Шостакович.

На 23 септември во Кинотеката ќе биде прикажан воениот филм „Црвениот призрак“ на рускиот режисер Андреј Богатирјов , а на 25 септември  во кафе-книжарницата „Буква“, Рускиот центар ќе организира квиз „Колку добро ја познаваш Русија?“, на кој победниците ќе добијат награди со руска симболика.

Според програмата, од 26 до 28 септември во Рускиот центар ќе се одржи трета Меѓународна конференција „Руски јазик, литература и култура: минато, сегашност и иднина“, со 60-тина учесници од 10 земји. Ќе има различни научни секции и една посебна посветена на 200-годишнината од раѓањето на Фјодор М. Достоевски.

На 29 септември во кафе-книжарницата „Буква“ ќе се одржи отворена трибина на тема „Превод и издавање на руската литература“ на која ќе учествуваат уредници на македонски издавачки куќи. Тие ќе говорат за местото на руската книжевност во нивните издавачки програми, како и за застапеноста на класичната и современата руска литература во македонската издавачка сфера.

„Месецот октомври 2021 ќе биде посветен на посета на училишта каде што се изучува рускиот јазик во Македонија. За учениците ќе се одржат кратки предавања за Русија, руската култура и литература, а на библиотеките на училиштата ќе им бидат подарени книги на руски автори во превод на македонски“, соопшти Руски центар при УКИМ.

Влезот на сите настани е бесплатен, но потребен е сертификат за вакцинација или за прележан ковид-19. Поради ограничен број места, задолжително е пријавување на [email protected].

 

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе