Од 14 март

„100 години Требениште”, заедничка македонско-бугарско-српска изложба во Скопје

Бугарската влада денеска го одобри нацрт договорот меѓу министерствата за култура на Бугарија и на Северна Македонија за организирање заедничка изложба „100 години Требениште” во Скопје, објави бугарски „Софиа глоуб“ и Независната балканска новинска агенција (ИБНА)

Изложбата ќе биде поставена од 15 март до 31 август, а ја организира Археолошкиот музеј на Република Северна Македонија во соработка со Народниот музеј од Белград и Националниот археолошки институт и музеј при Бугарската академија на науки во Софија.

Изложбата во Скопје е од исклучителна важност, бидејќи за првпат ќе бидат изложени речиси сите предмети од важната некропола што се наоѓа во близина на Охрид и која датира од Железното доба, околу шести век п.н.е.

Предметите што ќе бидат изложени се дел од постојаната поставка на Археолошкиот институт при Бугарската академија на науки, на националниот музеј во Белград и на Музејот во Охрид. 

Според соопштението од бугарската Влада, освен што има уметнички и историски придонес, изложбата е позитивен акт на развој и продлабочување на културната соработка меѓу трите земји, Република Бугарија, Република Северна Македонија и Република Србија. 

 

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе