Култура

Во Музејот на современата уметност во Скопје на 15 август, во 20.30 часот, ќе биде отворена изложбата од ретроспективен карактер „Синхроницитети / Архив 1987 – 2017“ на дела од авторката Жанета Вангели, акумулирани во текот на последниве триесет години, но кои, сепак, македонската публика немала можност да ги запознае во еден директен и непосреден амбиент.

Со цел интезивирање на културниот живот во Струмица на 10 август, во Дом на АРМ, со почеток во 20 часот, ќе се одржи проекција на кратките филмови на филмскиот режисер Саша Станишиќ.

Славната Жулиет Бинош е една од најнаградуваните актерки во светот. Нејзината кариера е разновидна, а по неколку драматични улоги наскоро ќе ја гледаме во комедијата „Откачени трудници“, во режија на Ноеми Саглио, која пристигнува во македонските кина на 17 август.

Издавачката куќа „Антолог“ од Скопје најави дека наскоро излегуваат од печат книгите на Ана Бучевиќ, најдобрата, најпопуларната, највлијателната и најчитаната мотивациска говорничка и авторка на просторите на поранешна Југославија. Нејзината работа во оваа област секојдневно влијае позитивно на милиони луѓе од овие простори, а нејзините книги се вистински бестселери.