Говедска чорба со пиво и црвен пипер

Приготвување:

Загрејте ги маслото и путерот во голем сад на средно висока температура. Испржете ги коцките месо во две групи додека да потемнат и префрлете ги во чинија. Исечете ги на половина. Оставете ги настрана.

Во истата тава ставете го кромидот. Промешајте и динстајте две-три минути, додека да омекне, а потоа додајте го лукот и динстајте уште една минута. Прелејте ги со пивото и со супата, а потоа додајте ги ворчестер-сосот, доматното пире, црвениот пипер, солта, црниот пипер и шеќерот. Вратете ги коцките говедско во тавата. Промешајте. Покријте ја тавата и оставете да се динста 1 и пол до 2 часа.

За време на динстањето течноста би требало да згусне. Ако стане премногу густа, додајте ѝ вода колку што е потребно.

Додајте ги морковите и компирите, а потоа покријте ја тавата и динстајте уште 30 минути. (Ако чорбата почне да станува сува, само додајте чаша врела вода за да се надополни течноста.) Вкусете и додајте зачини колку што е потребно.

Послужете ја чорбата со крцкав леб. Додајте ѝ свеж магдонос, по желба.

Состојки:
3 лажици маслиново масло

1 лажица путер

1 кг говедска кртина, сечена на коцки

1 цел кромид, ситно сечкан

3 чешниња лук, здробени

350 мл пиво

1 л говедска супа од коцка (1 л вода + 4 коцки)

500 мл вода (ако е потребно)

1 лажица ворчестер-сос

2 лажици доматно пире

1/2 лажиче црвен пипер

1/2 лажичка сол

црн пипер

1 и пол лажичка шеќер

4 моркови, крупно исечени

4 компири, сечени на четвртини

сечкан магдонос (по желба)

Објавено

Понеделник, Ноември 18, 2013 - 20:34

(Текстот е одговор на колумната „Сите нации се модерни конструкти" од д-р Љубица Спасковска објавена на МКД.мк, 1 август)

повеќе

На мојот пријател, овчарот Митко му реков: „Дојде време ти, јас, сите граѓани на Македонија да си го вратиме суверенитетот на оваа наша држава".

повеќе

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе