Чорба од ракчиња и коњак

Приготвување:

Отстранете ги лушпите од ракчињата, грубо исечкајте ги на парчиња со големина на залак и ставете ги во фрижидер. Зачувајте ги лушпите.

Во големо тенџере на средна температура ставете 1 лажица путер. Кога меурчињата ќе се смират, додајте ги кромидот, морковите, целерот и зачуваните лушпи и зачинете со сол и црн пипер. Гответе, повремено мешајќи, додека кромидот само да омекне, а лушпите да добијат светлорозова боја, околу 5 минути.

Зголемете ја температурата на средновисока и додајте ги доматното пире, мајчината душица и дафиновиот лист; мешајте додека зеленчукот да се обложи со доматното пире. Додајте ја водата, промешајте и оставете да зоврие.

Кога ќе зоврие, намалете ја температурата на ниска и крчкајте ја супата додека да добие миризба на ракчиња, околу 30 минути. Исцедете ја топлата супа низ густа цедалка во друг сад и фрлете ги цврстите состојки (морковите, целерот итн).

Вратете го празното тенџере на шпорет на ниска температура. Додајте ги останатите 3 лажици путер и оставете да се стопи. Кога путерот ќе се запени, додајте го брашното и динстајте, често мешајќи, додека смесата да се изедначи и да добие златно-кафеава боја, околу 4 минути.

Полека додајте го коњакот, потоа и исцедената топла супа, мешајќи додека смесата да се изедначи, а потоа зовријте ја. Додајте ги хоплата, црвениот пипер и исечканите ракчиња и промешајте. Оставете да крчка додека вкусовите да се спојат, а ракчињата да се сварат, околу 8-10 минути.

По желба зачинете со сол и црн пипер и послужете.

Состојки:

4 лажици несолен путер

2 средни кромиди, сечени на големи коцки

2 средни моркови, излупени и сечени на големи коцки

1 корен од целер, сечен на големи коцки

сол

црн пипер

2 лажици доматно пире

5 гранчиња свежа мајчина душица

2 дафинови листа

1,3 л вода

3 лажици брашно

130 мл коњак

200 мл неутрална хопла

1/4 лажичка црвен пипер