Чорба од лосос со песто од коријандер

Приготвување:

За пестото:

Ставете ги сите состојки во блендер и мешајте ги сè додека не се изедначи смесата.

За чорбата:

Стопете 2 лажици путер во големо тенџере на средна температура. Додајте го кромидот и динстајте додека да омекне, околу 5-8 минути. Додајте ги морковот, целерот, компирот, солта и црниот пипер и динстајте, мешајќи повремено, додека зеленчукот само малку да омекне, околу 5 минути.

Додајте ги водата и виното и зовријте ја течноста на висока температура. Намалете ја температурата на средна, за течноста само да крчка, и продолжете да готвите додека таа да се сведе на околу половина, околу 20 минути.

Додајте ги хоплата и млекото, пак зовријте ја течноста, а потоа намалете ја температурата на средно-ниска и динстајте додека зеленчукот сосема да омекне, околу 12 минути.

Во мал сад со прсти измешајте ја преостанатата 1/2 лажица путер со брашното, додека да се формира мазна смеса. Фрлете ја во чорбата и брзо мешајте додека рамномерно да се стопи и впие.

Зачинете го лососот со сол и црн пипер, додајте го во чорбата и продолжете да динстате додека лососот да се свари, околу 5 минути.

Тргнете ја чорбата од рингла и додајте ѝ ги табаско-сосот и сокот од лимон. Ако треба, додајте и уште сол, црн пипер, табаско или сок од лимон.

Во секоја чинија врз чорбата попрскајте една лажица песто од коријандер.

Состојки:
За пестото:

2 китки коријандер, крупно сечкани

сок од 2 лимони

2 лажици маслиново масло

2 лажици вода

1/2 лажичка сол

За чорбата:

2 1/2 лажици несолен путер, на собна температура

1 среден кромид, сечен на големи коцки

1 голем морков, сечен на големи коцки

1 корен целер, сечен на големи коцки

1 голем компир, сечен на големи коцки

1 лажичка сол, плус повеќе ако треба

1/4 лажичка црн пипер, плус повеќе ако треба

1 л вода

150 мл суво бело вино

250 мл неутрална хопла

250 мл полномасно млеко

1 лажица брашно

700 грама свеж лосос, со отстранета кожа и сечен на крупни коцки

2 капки табаско-сос, повеќе по вкус

сок од половина лимон, плус повеќе по желба

Објавено

Понеделник, Јули 15, 2013 - 23:10

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе