Најдобриот пица-бургер

Приготвување:

Излупете го колбасот, здробете го на ситни парчиња и измешајте го со меленото месо и италијанскиот зачин. Убаво измешајте го со прсти и од него формирајте четири големи и дебели плескавици. Испржете ги плескавиците неколку минути од едната страна, а потоа свртете ги од другата.

Врз секоја плескавица ставете по 2 ленти моцарела, па по неколку парчиња феферони. Додајте неколку тенки парчиња црвен кромид, парче зелена пиперка, купче црни маслинки и купче сечкани печурки.

Одозгора со лажица намачкајте од доматниот сос и најодозгора ставете по уште едно парче моцарела.

Покријте ја тавата со капак и оставете плескавиците да се допржат, моцарелата да се стопи, а фефероните да се загреат.

Исечете ги земичките на половина и пржете ги на путер во тава додека да добијат златно-кафена боја. Сите половинки намачкајте ги со доматен сос, а врз сосот ставете рендан пармезан.

Ставете ги испржените плескавици со додатоците врз долните половини од земичките и покријте ги со горните половини. Послужете веднаш.

Состојки:

250 г колбас

1/2 лажичка зачин италијанска мешавина

12 парчиња моцарела

сечкани феферони

8 лажици зачинет доматен сос со додаток на лук и кромид

рендан пармезан

4 земички

тенко сечен црвен кромид

1 зелена бабура, исечена на дебели парчиња

сечкани црни маслинки

сечкани печурки