Турски ќофтиња

Приготвување:

Ставете го меленото месо во голем сад за мешање. Изрендајте го кромидот во садот со месото. Додајте сол, црн пипер, цимет, црвен пипер и Вустершир-сос.

Откинете ја кората од лебот и ставете ја во чашата со млеко. Оставете да седи неколку минути додека лебот малку да го впие млекото и да стане влажен. Ставете го лебот во чинијата со месото. Фрлете го остатокот млеко што не го впил лебот. Мешајте го месото со лебот и со зачините додека смесата да се изедначи.

Исечкајте ја бабурата на многу мали парчиња и додајте ја во смесата со месо. Додајте ги и јајцето и пармезанот. Додајте ги ситно сечканите магдонос и кромид. Убаво измешајте. Смесата треба да биде многу влажна, но сепак од неа да може да се обликуваат ќофтиња. Ако е премногу влажна, така што да е многу тешко да се обликуваат ќофтиња, додајте неколку лажици лебни трошки.

Ставете 3-4 лажици лебни трошки во чинија. Почнете да ги обликувате ќофтињата и секое валкајте го во лебните трошки. Загрејте растително масло во голема тава и пржете ги ќофтињата, по 3-4 минути од секоја страна. Кога ќе добијат светлокафена боја и ќе станат крцкави, пренесете ги на чинија.

Откако сите ќофтиња ќе се испржат, ставете ги во тава за печење, па во загреана рерна и печете ги околу 15 минути.

Состојки:
1 кг мелено месо

1 жолта или црвена бабура

1 среден кромид

2 млади кромитчиња ситно сечкани

2 лажици сечкан магдонос

1/2 чаша рендан пармезан

3 парчиња бел леб

1 чаша млеко

1 големо јајце

сол

црн пипер

1/2 лажичка цимет

1/2 лажичка црвен пипер

2 лажици Вустершир-сос

3-4 лажици растително масло

околу 100 г лебни трошки

Објавено

Среда, Јануари 6, 2016 - 18:58

Коментари

Тоа е нашата политичка наивност- да се верува дека правото е семоќно орудие во разрешавањето на сите проблеми. А каде е моралната, политичката, социјалната, психолошката страна на проблемите? 

повеќе

Премолчувањето на јавнот интерес во законските решенијазначи изостувањето на клучниот критериум за оправданоста на концесиите на добрата од општ интерес.

повеќе

Фатени на дело во многу  кражби, сите праведни граѓани на оваа земја беа убедени дека на арамиите ќе им се суди по примерот на Жан - по кратка  постапка.

повеќе