Чешки кнедлики

Приготвување:

Загрејте го млекото да биде млако (во микровална околу 40 секунди). Додајте ги шеќерот и квасецот, промешајте за шеќерот да се стопи и оставете 10 минути.

Во друг сад ставете ги брашното и солта и измешајте.

Кога млекото со квасецот ќе биде готово, во брашното додајте го јајцето, а потоа и смесата со млеко. Матете со миксер за тесто прво на мала брзина, а потоа и побрзо (или измесете го тестото со раце). Ако е премногу лепливо, додајте му брашно.

Покријте го садот со крпа и оставете да нарасне, еден до два часа, време за кое тестото треба да се удвои во волумен. За побрзо, загрејте ја рерната на најмалата можна температура, исклучете ја (за случајно да не се испече тестото), ставете го садот во неа и тестото ќе биде готово за еден час.

Набрашнете ја работната површина, ставете го тестото на неа, малку замесете го и поделете го на три еднакви дела. Секое делче уште малку замесете го и дајте му форма на векна со дебелина од околу 5 сантиметри (измазнете го колку што може повеќе). Покријте ги векните со крпа и оставете пак да нараснат уште околу 15 минути.

Додека нараснуваат, подгответе го апаратот за готвење на пареа: во него ставете вода, додајте малку сол и премачкајте го дното на решетката со масло или путер.

Кога тестото ќе нарасне, вклучете го апаратот за водата да зоврие, ставете ги векните и оставете непречено да се готват 20 минути (ако не ги собира сите, гответе ги една по една, важно е да не се допираат).

Избоцкајте ги готовите векни со чепкалка и премачкајте ги со масло или путер. Почекајте 5 минути, а потоа исечете ги на кришки и послужете со прилог по желба.

(Ако немате апарат за готвење на пареа, може векните да ги варите директно во вода што крчка на тивко, со тоа што по 10 минути ќе треба да ги превртите од другата страна.)

Состојки:
350 мл млеко

1 лажичка шеќер

1 лажичка сув квасец

600 г брашно

1,5 лажичка сол

1 јајце

Објавено

Петок, Мај 17, 2019 - 19:59

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе