Полнети пиперки со печено свинско

Приготвување:

Зачинете го свинското месо со сол и црн пипер, пропржете го од сите страни додека да порумени, а потоа динстајте го на тивко со половина чаша пиво околу 8 часа. Кога ќе биде готово, меко и сочно, оставете малку да се олади, а потоа со две виљушки „раскинете“ го на разни страни.

Доведете ја рерната до 180 степени. Обложете ја тавата за печење со мрсна хартија.

Отстранете ги семето и внатрешните стебла на пиперките. Наполнете ги пиперките со по 100 г свинско месо (или колку што сакате). Врз месото ставете по малку од чери-доматите и од кромидот.

Ставете ги доматите од конзерва во блендер и смелете ги. Во блендерот додајте ги хоплата, шеќерот, лукот, босилекот, сол и црн пипер и блендајте додека да станат еднолична смеса. Со лажица прелејте од смесата врз свинското месо во пиперката. Посипете од ренданата моцарела.

Печете ги пиперките 20 до 25 минути, или додека моцарелата да порумени и да почне да пушта меурчиња. Посипете свеж магдонос (или некој ваш омилен зачин) и послужете веднаш.

Состојки:
  • 4 бабури, исечени на половина, семките отстранети
  • 700 г печено свинско месо (се пече околу 8 часа)
  • 150 г чери-домати, сечкани
  • 2 лажици сечкан црвен кромид
  • 400 г домати од конзерва, по можност чадени
  • 2 лажици хопла
  • 1 лажица кафеав шеќер
  • 2 чешниња лук, здробени
  • половина лажичка сув босилек
  • сол и црн пипер
  • 250 г свежо рендано сирење моцарела
  • сечкан свеж магдонос за украс

Објавено

Вторник, Февруари 5, 2019 - 15:09

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе