Печено свинско со кисела зелка и кнедлики

Приготвување:

Загрејте ја рерната на 200 степени.

Исечкајте ги малиот кромид и лукот на не многу ситни парчиња.

Измијте го месото и исечете го на крупни коцки. Наредете го во тава за печење, посолете го и зачинете го со кимот. Врз месото додајте ги сечканиот лук и кромид. Налејте 2 чаши вода и печете го месото половина час.

Додека се пече месото, исцедете ја киселата зелка и исечкајте ја како за подварок. Ставете ја во тенџере, додајте 5 чаши вода, солта, шеќерот и малку ким. Вклучете ја ринглата на висока температура, убаво измешајте, покријте го тенџерето речиси целосно со капак и оставете да зоврие. Намалете ја температурата и гответе додека зелката да омекне, околу 30 минути.

Откако месото ќе се пече половина час, извадете го од рерна и превртете ги парчињата од другата страна. Вратете ја тавата во рерна и печете уште половина час.

Кога ќе омекне зелката, тргнете ја од рингла и оставете ја на страна.

Во средна тава ставете го маслото и додајте ја средната главица кромид, сечкана. Пржете на средна температура додека да порумени, околу 15 минути. Додајте го брашното и убаво измешајте додека се пржи, околу 5 минути.

Истурете ја смесата со брашно во тенџерето со зелката и на ниска температура мешајте околу 6-7 минути додека целата смеса да згусне.

Извадете го месото од рерна и уште еднаш превртете ги парчињата и проверете дали омекнале. Ако не омекнале, вратете ги во рерна и печете додека да бидат готови.

Послужете го месото заедно со киселата зелка и подготвените кнедлики.

Состојки:

За свинското:

1 кг свинско месо 

сол

1 главица лук

1 мал кромид

1/4 лажица ким

2-3 чаши вода (или повеќе, по потреба)

 

За зелката:

800 г кисела зелка

5 чаши вода

1,5 лажица сол

6 лажици шеќер

1/4 лажица ким

1 среден кромид

1/2 чаша масло

1/2 чаша брашно

Објавено

Петок, Мај 17, 2019 - 20:04

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе