Хавајски бургер

Приготвување:

За да го направите сосот, измешајте ги мајонезот, теријаки сосот, медот и црвениот пипер.

Пропржете ги круговите ананас и бабура на средно висока температура, или испечете ги на скара.

Зачинете го меленото говедско месо и поделете го на 4 еднакви плескавици. Пржете ги на средна температура 4 до 5 минути од едната страна, потоа превртете ги и врз секоја плескавица ставете од теријаки сосот. Врз сосот на секоја плескавица ставете парче моцарела и оставете ја да се топи додека плескавицата се пржи, уште околу 4 минути.

Во друга тава на средна температура стопете путер и пропржете ги земичките од двете страни додека да добијат златнокафеава боја. Врз пресечената страна со лажица полејте малку од сосот и оставете лебот да впие. На секоја од половинките земички ставете по една плескавица, врз неа ставете две парчиња ананас, врз нив парчиња црвен кромид, па парчиња бабура и на крај зелена салата. Покријте со горните половини од земичките и притиснете малку да се згмечат. Послужете со екстра сос за макање.

Состојки:
За сосот:

100 г мајонез

2 лажици теријаки сос

1 лажица мед

1/4 лажичка црвен пипер


За бургерите:

8 цели круга ананас од конзерва

1 црвена бабура, исчистена од семиња и исечена на кругови

700 г мелено говедско

сол и црн пипер

теријаки сос

4 тенки парчиња моцарела

2 лажици путер

4 земички

половина црвен кромид, сечен на тенки кругови

листови зелена марула

Објавено

Понеделник, Март 11, 2019 - 17:27

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе