Динстано телешко со печурки и зеленчук

Приготвување:

Исечете го телешкото на коцки или на ленти. Врзете ги во китка листовите целер, мајчината душица, дафиновите листови и магдоносот.

Во тава стопете 3 лажици путер со малку маслиново масло. Испржете го телешкото месо колку да порумени од сите страни.

Додајте ги морковите, големиот кромид, лукчињата, билките, супата и сол.

На висока температура доведете ја течноста во тавата до вриење. Намалете ја температурата, покријте ја тавата и оставете да крчка 45-60 минути, додека телешкото месо да стане многу меко.

Излупете ги ситните кромитчиња, исчистете ги печурките и пресечете ги на четвртини. Стопете 3 лажици путер во тенџере. Ставете ги печурките, сол и црн пипер и динстајте сѐ додека не поруменат од сите страни.

Извадете ги печурките, додајте 2 лажици путер во тенџерето и неколку минути динстајте ги кромитчињата (додека да поруменат од сите страни). Вратете ги печурките во тенџерето и одржувајте ги топли.

Измешајте ги жолчките со хоплата и половина од сокот од лимон.

Извадете ги телешкото месо, печурките и кромидот и наредете ги во садот за послужување.

Истурете ја смесата од жолчки и хопла во тавата со соковите од месото и динстајте на многу ниска температура 10 минути. Не дозволувајте да зоврие. Додајте го преостанатиот сок од лимон и сол / црн пипер (ако е потребно).

Прелејте го белиот сос врз месото во садот за сервирање.

Состојки:
1,5 кг телешко за динстање

1 голем кромид, преполовен

1-2 чешниња лук

1-2 моркови, исечени на парчиња

10 ситни кромитчиња, излупени

300 г печурки

2 жолчки од јајце

1/2 чаша неутрална хопла

сок од 1 лимон

путер

сол по вкус

1,5 литар пилешка супа од коцка

2 гранчиња мајчина душица

3 гранчиња магдонос

1 целер

2 дафинови листа

Објавено

Среда, Октомври 17, 2018 - 22:08

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе