Колач од банани и чоколада

Приготвување:

Загрејте ја рерната на 180 степени. Премачкајте ја тавата за печење со малку масло.

Излупете ги бананите и добро изгмечете ги. Додајте им ги кафеавиот шеќер, маслото, млекото и јајцата и убаво измешајте. Додајте ги брашното, прашокот за печиво, солта и циметот и промешајте. Додајте половина од чоколадата, искршена на мали парченца.

Префрлете го тестото во подготвената тава и одозгора посипете ги останатите парченца чоколада. Печете 18-22 минути, додека чепкалката боцната во центарот не излезе чиста.

Целосно изладете го колачот и исечете го на коцки.

Состојки:

3/4 чаши кафеав шеќер

1/4 чаша масло

1/4 чаша млеко

2 јајца

1,5 чаша брашно

1 ќесичка прашок за печиво

1/2 лажиче сол

1 лажиче цимет

200 г чоколада за готвење