Чоколадна карамел-торта со сол

Приготвување:

Смелете ги колачињата „орео“ во блендер. Трошките мешајте ги со 120 г стопен путер сè додека не станат рамномерно масни. Истурете ја смесата во калап за торта и со помош на чаша со рамно дно притискајте ја на дното и на страните за еднакво да се распореди. Ставете го калапот 10 минути во замрзнувач.

Во мало тенџере измешајте ги останатите 120 г путер со кафеавиот шеќер. Гответе на средна температура, постојано мешајќи, додека смесата да почне да пушта меурчиња. Продолжете да готвите, постојано мешајќи, уште 1 минута. Тргнете го од рингла. Полека додавајте 60 мл слатка хопла и мешајте додека да се изедначи смесата. Оставете ја карамелата да се олади околу 15 минути. Истурете ја карамелата врз подлогата од „орео“, а потоа вратете го калапот во замрзнувач на околу 30-45 минути додека само да се олади и зацврсти. (Не треба карамелата целосно да замрзне.)

Ставете ги парчињата чоколада во стаклен сад. Во тенџере ставете ги останатите 240 мл слатка хопла и доведете ја до пред вриење на средно висока температура. Прелејте ја жешката хопла врз парчињата чоколада и оставете ги така 5 минути, а потоа брзо матете додека смесата целосно да се изедначи. Полејте ја чоколадата врз карамелата и ставете го калапот во замрзнувач уште само 30 минути, додека да се олади и зацврсти. (Или ставете го во обичен фрижидер, покриен, додека не биде подготвен за послужување.) Пред послужувањето, одозгора наросете трошки морска сол.

Чувајте го колачот во фрижидер покриен и служете го разладен.

Состојки:
  • 36 колачиња „орео“
  • 240 г путер, поделени
  • 140 г кафеав шеќер
  • 300 г слатка хопла, поделена
  • 350 г темна чоколада на парчиња

Објавено

Среда, Јануари 11, 2017 - 23:11

Еден проблем кај Трамп е тоа што му е опсесија да изгледа „силен".

повеќе

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе