Чоколаден чизкејк

Приготвување:

Загрејте ја рерната на 170 степени.

Лесно премачкајте ја тавата со путер (или обложете ја со хартија за печење за да не се залепи чизкејкот).

За подлогата:

Ставете ги орео колачињата во блендер за храна и мелете ги додека не добиете ситни трошки.

Спојте ги колачињата орео со стопениот путер и мешајте додека не се рамномерно обложени. Истурете ја смесата во калап за торта и со помош на чаша со рамно дно притискајте ја на дното и на страните за еднакво да се распореди.

Печете ја подлогата 10 минути. Оставете ја да се олади.

За филот:

Загрејте 1/4 чаша од слатката павлака и прелејте ја врз искршената чоколада. Почекајте 20 секунди додека да се стопи чоколадата и убаво измешајте. Оставете ја на страна.

Во друг сад матете го маскарпонето со рачен миксер додека да стане кремасто и мазно. Додајте ги шеќерот и какаото во прав и матете додека смесата да се изедначи.

Додавајте ги јајцата едно по едно матејќи, а потоа и останатата половина чаша слатка павлака, матејќи додека да се соединат.

Додајте ја смесата со чоколада. Додадете ја ванилата и промешајте да се соедини. Истурете го филот врз изладената подлога.

Печете 70 минути. Чизкејкот е готов кога ќе се испечат страните, но центарот може да е помек.

Извадете го чизкејкот од рерна и оставете го да „одмори" додека да се излади тавата.

Ставете го во фрижидер 4 часа.

За чоколадниот прелив:

Загрејте ја слатката павлака и прелејте ја врз искршената чоколада. Почекајте 20 секунди додека да се стопи чоколадата и убаво измешајте. Истурете го преливот врз оладениот чизкејк и оставете го да отстои околу 15 минути пред да го послужите.

Состојки:
За подлогата:

24 колачиња „орео"

60 г несолен путер, стопен

За филот:

350 г чоколада за готвење

3/4 чаша (180 г) слатка павлака, на собна температура, поделена на 2 дела

700 г маскарпоне, на собна температура

300 г шеќер

1/4 чаша (30 г) какао во прав

5 големи јајца, на собна температура

1 лажичка екстракт од ванила

За преливот:

300 г чоколада за готвење

3/4 чаша (180 г) слатка павлака

Објавено

Четврток, Јануари 28, 2021 - 19:54

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе