Црниот хумор за време на пандемија може да им помогне на Македонците

Зошто да не му веруваме на лидерот кој е на чело на колоната запатена кон ЕУ?

Еден универзитетски професор во пензија, познавач на десетина јазици, сега во пензија што си ја ужива на својата фарма во Хантер Вали, кој беше чест гостин на Семинарот за македонски јазик, иако не сака да се експонира јавно, многу е загрижен поради ова што се случува со и околу Македонија.

Телефонираше во редакцијата на „Австралиско-македонски неделник“ (Аustralian Macedonian Weekly) и рече: „Со гаранција Бугарите ќе се согласат доколку им понудите компромис дека Самоил бил Бугарин додека сите три илјади ослепени војници кај Водоча близу до Струмица биле Македонци”.

Го прашав зошто мисли така. Рече: „Затоа што се свесни дека народот македонски нема да прогледа во наредните илјада години. Без куршум ќе го утепаат и него и бројното македонско малцинство во својата земја, на кое со пресија и негација му се одземени сите права”.

Професорот во пензија ја посетил клисурата до Водоча, во подножјето на Беласица и бил фасциниран од звуците што ги емитувала природата. И тој знае дека народот од векутума областа  ја нарекувал Вадиочи.

Зошто да не му веруваме на лидерот кој е на чело на колоната запатена кон ЕУ, Зоран Заев, кога се колни дека и тој е Македонец и го зборува македонскиот јазик? Тој не е глупав, уште помалку ретардиран, како што го пцујат некои. Многу добро ја знае народната „човекот се држи за зборот, волот за роговите”. Најблизу до вистината е Ахмети, кој речиси сожаливо изјави дека Заев ја ризикува својата политичка кариера.

Доколку постои начин да се ограничат  условите што ги поставува моќниот Каракачанов, тогаш Заев ќе стои на зборот. Во спротивно и таа „света” изјава ќе заврши како неговото колнење во целата своја фамилија, дури и во децата, дека “„името на Македонија нема да го менува”.

Божин Павловски

Ставовите искажани во рубриката Колумни се лични ставови на авторите и не се автоматски и ставови на редакцијата на МКД.мк. Редакцијата на МКД.мк се оградува од ставовите во објавените колумни, а одговорноста за изнесеното во нив е исклучиво на авторот.

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе

Турската влада има нови барања од социјалните медиуми и дигиталните платформи како што се Фејсбук (Facebook), Ватсап (Whatsapp), Инстаграм (Instagram) и Твитер (Twitter). 

повеќе