Маските од Вевчани за енергетската криза, за Украина, за...

Театарот на отворено во Вевчани почна. Маските за Украина, за кралицата Елизабета, за енергетската криза, за ЕУ...  продефилираа денеска на традиционалниот карневал во Вевчани. Василичарите и годинава направија незаборавна пародија на актуелните политички и секојдневни случувања во земјава и светот. На карневалското дефиле, традиционално, продефилираа и зетот и невестата, глупавите августи, ѓаволите, зурлите и тапаните. Карневалот заврши со василичарското оро пред многубројната публика. Вевчанци велат дека овој карневал е стар повеќе од 1.400 години. Паганските верувања се дека со маските ќе се избркаат злите духови. Како ќе биде во 2023 година, ќе видиме.

                                                                                                                Фото: Роберт Атанасовски