140 лица скокнаа по крстот во Вардар, Кристијан Ниневски го фати

Дваесет и петгодишниот Кристијан Ниневски од Скопје го фати светиот крст што архиепископот на Македонската православна црква-Охридска архиепископија и на Јустинијана Прима, г.г. Стефан го положи во водите на реката Вардар во Скопје. Ниневски првпат го фаќа крстот, а веќе шест години учествува на традиционалната манифестација што во Скопје се организира по повод големиот христијански празник Богојавление-Водици. „Здравје и среќа за сите, Бог се јави“, изјави кратко Ниневски откако го фати крстот. Во Скопје беа пријавени околу 140 граѓани за фаќањето на крстот.