Сообраќајна контрола

За еден ден на радар „фатени“ 401 возач

Во текот на вчерашниот ден сообраќајната полиција им напиша казни на 401 возач за возење со брзина поголема од дозволената, од кои повеќе од половината од казнетите брзо возеле во населени места.

„Од санкционираните возачи, 29 возеле со брзина над 50 километри на час повеќе од дозволеното, а пет возачи со дури над 70 километри на час повеќе од дозволената брзина. Притоа, 230 возачи ја пречекориле брзината во населено место, а 171 надвор од населено место. Засилените акциски контроли продолжуваат и во наредните денови, апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, соопшти Министерството за внатрешни работи.