Во Скопје

Во текот на изминатиот ден девет сообраќајки, едно лице се здобило со тешки телесни повреди

„Во текот на изминатиот ден на подрачјето на Секторот за внатрешни работи Скопје се случиле девет сообраќајни незгоди во кои едно лице се здобило со тешки телесни повреди, а седум лица поминале со телесни повреди“, информираат од МВР.

Од преземените сообраќајни мерки и активности утврдено е дека: 13 возачи управувале возила со брзина поголема од дозволената, шестмина возачи се санкционирани поради минување на крстосница на црвено светло, по еден возач поради недавање првенство на минување на пешаци и неправилно престројување, тројца возачи на моторцикли се санкционирани поради неносење заштитен шлем а 11 возачи поради користење на мобилен телефон при управување на возило.

Покрај ова од сообраќај се исклучени 14 возачи од кои 12 затоа што управувале возила без да се стекнат со право за управување на моторно возило и двајца - затоа што биле возачи почетници.

Исто така, од сообраќај се исклучени уште 12 возила бидејќи биле нерегистрирани. Во однос на пешаците, санкционирани се 17 пешаци поради поминување коловоз вон пешачки премин и двајца пешаци поради поминување коловоз на црвено светло. Во текот на изминатиот ден издадени се 84 мандатни платни налози и 69 возила се подигнати со специјално возило „пајак".

„Новото нормално“ неизбежно со себе ќе носи неизвесност и страв бидејќи заканата од вирусот наѕира во позадина и не може да се искорени.

повеќе

„Шарената револуција“ беше енергија и граѓански порив за промени. Малку застранивме.

повеќе