MВР

Во сообраќајката кај Драчево сите петмина загинати биле во „реното“

Возачот и четворицата патници од возилото „рено 5“ се загинатите лица во сообраќајната несреќа што е случи синоќа на булеварот „Борис Трајковски“ на влезот од скопската населба Драчево.

Од Министерството за внатрешни работи информираат дека сообраќајката се случила во 23.40 часот помеѓу товарно возило „мерцедес“ со скопски регистарски ознаки, управувано од  М.Ј. (44) од Скопје, и патничко возило „рено 5“ со скопски регистарски ознаки, управувано од Ј.Л. (43) од Скопје.

Возачот Ј.Л. и сопатниците во возилото „рено“, С.Н., А.Т. (54) од Скопје, Е.Т.(37) од Скопје и И.А. (40) од Скопје починале на местото на несреќата.

Возачот на камионот М.Ј. добил повреди и бил пренесен во Градската општа болница „Св.Наум Охридски“, каде што му била дадена лекарска помош и бил задржан на понатамошно лекување.

Увид на местото извршиле јавен обвинител и увидна екипа на СВР Скопје.

По наредба на јавен обвинител телата на починатите биле предадени за обдукција.

Како што соопшти обвинителството, според увидот, „несреќата се случила петнаесетина минути пред полноќ, кога автомобил 'рено 5' со скопски регистарски таблички во коj се превезувале жртвите, од непознати причини преминал на спротивната лента на коловозот и директно се судрил со камион за превоз на отпад. Од добиените повреди починале сите патници во автомобилот, тројца мажи и две жени. Надлежниот јавен обвинител издаде наредба за обдукција на телата на починатите, а ќе се врши и сообраќајно-техничко вештачење за да се утврдат причините за несреќата“.

Сега, кога нашата држава ја предводат анационални лидери, кога супериорната бугарска власт смрди од агресивен национализам, ќе биде тешко да се изгради цврсто пријателство.

повеќе

Иако Буџетот 2020 е популистички, сепак со цврстите ставови за отфрлање на субвенциите за возила и за промена на даночната политика на СДСМ, како и во идејата за понатамошно отворање на Министерството за финансии се наѕира дека Ангеловска знае што прави.

повеќе

Да се стави точка на великобугарскиот шовинизам е насловот позајмен од едно писмо напишано во јули 1946 година од Илинденската организација до Владата на слободна Македонија.

повеќе