Во Скопје

Турски државјанин спречувајќи „пајак“ да му го земе возилото удрил во полицаец

Турски државјанин со привремен престој во с.Велебрдо-Ростуше синоќа во Скопје се обидел да спречи пајак-возило да го отстрани неговото неправилно паркирано возило, а при обидот за бегство со возилото удрил во полициски службеник, кој потоа успеал да го фати и да го уапси.

Вчера во 21.40 часот на ул.„Самоилова“ во Скопје, во моментот кога полициски службеник со специјално возило вршел отстранување погрешно паркирани возила, едно непознато лице почнало да го влече вработениот во Пајак службата, а се обидело и да го удри. 

Потоа, лицето влегло во патничко возило „мерцедес“, го стартувало возилото и удрило во полицискиот службеник, кој добил телесни повреди, по што го запрело возилото, излегло и почнало да бега. Полицискиот службеник успеал да го фати и лиши од слобода. Во тој момент друго непознато лице го стартувало возилото и побегнало. Утврден бил идентитетот на лицето, се работи за Б. Х. (29) од Република Турција со привремен престој во с.Велебрдо- Ростуше.

Се преземаат мерки за расчистување на случајот.

МИА

Македонија треба да започне со процесот на усвојување модел за правно признавање на родот со почитување на фундаменталните права и правото на личен и телесен интегритет на транс луѓето.

повеќе

Парадоксалните судски процеси во државава, сами по себе родија парадокс.

повеќе

Следејќи ги слепо своите геостратешки планови, можно е американските геостратези и во Македонија да направија уште една грешка, во низата грешки во последните две декади.

повеќе