Турчин осуден на затвор баран со потерница и за друго кривично дело фатен во Скопје

Во Скопје синоќа во 21.30 часот на ул.„391" полициски службеници од Оперативен тим потраги при СВР Скопје го лишиле од слобода С.Т.(51) од Република Турција, со живеалиште во Скопје. Како што соопштија денеска од МВР, тој бил баран по две централни потерници од Основен кривичен суд Скопје.

„С.Т. бил осуден на затворска казна од една година и четири месеци за сторено кривично дело „тешка кражба" по член 236 од Кривичниот законик, а бил баран и за издржување мерка притвор за сторено кривично дело „загрозување на сигурноста" по член 144 од Кривичниот законик“, се појаснува во соопштението.

Лицето било предадено во казнено-поправна установа за издржување на мерките.