Било пукано одблиску

Татко и 8-годишен син застрелани во автомобил во Куманово

Татко и неговиот осумгодишен син се најдени мртви во автомобил во близина на селото Слупчане, Кумановско. Според првичните информации од Основното јавно обвинителство во Куманово, телата на таткото и синот се најдени во возило кон кое било пукано од близина.

Според МВР, полицајци од одделението во Матејче синоќа околу 22.40 часот пронашле патничко возило опел астра со скопски регистарски ознаки, во кое биле две лица без знаци на живот.

Од Основното јавно обвинителство Куманово велат дека е извршен увид во близина на местото каде што било најдено возилото, кон кое биле истрелани повеќе куршуми.

На увидот било констатирано дека од близина е пукано во патничкото моторно возило во кое се наоѓале две лица, возач и неговото осумгодишно дете. Двете лица биле смртно повредени и починале веднаш.

„По насока на надлежен јавен обвинител, увидната екипа на Министерството за внатрешни работи ги обезбеди и подигна трагите од лице место и истите ќе бидат предмет на натамошно вештачење. Пронајдени се и подигнати поголем број испукани чаури, преку чие вештачење се очекува да се утврдат битни факти во предметот. Ќе биде извршено вештачење и на возилото, на кое се видливи повеќе траги од напад со огнено оружје“, се вели во соопштението на ОЈО Куманово.

Телата на починатите се предадени на обдукција.

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе