Шеесет и петгодишен Скопјанец почина во сообраќајката кај Крива Паланка

Во тешката сообраќајна несреќа која се случи вчера на магистралниот пат А2, Куманово- Крива Паланка кон граничен премин Деве Баир, почина шеесет и петгодишниот С.С. од Скопје, кој управувал со патничкото моторно возило.

Според официјалните информации од МВР, во сообраќајната несреќа учествувале патничко возило „oпел корса“ со скопски регистарски ознаки, управувано од С.С. шеесет и пет години и товарно возило „мерцедес“ со кумановски регистарски ознаки, управувано од триесет и две годишниот Ј.М. од Крива Паланка.

Во незгодата, возачот на автомобилот, С.С. се здобил со тешки телесни повреди и бил пренесен во Здравствениот дом „Димитар Арсов“, Крива Паланка, каде околу петнаесет часот и педесет минути им подлегнал на повредите.

Сопатничката од истото возило, шеесет и пет годишната К.С. од Скопје се здобила со тешки телесни повреди и поради сериозноста на повредите од здравствениот дом во Крива Паланка била пренесена и задржана во Комплексот клиники „Мајка Тереза“ во Скопје.

Увид на местото на настанот извршиле Јавен обвинител и увидна екипа од полициската станица од општа надлежност - Крива Паланка.

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе