Наредба за истрага од ОЈО Битола

Разбојник со нож држел жена додека двајца пребарувале по соби и ја ограбиле

Основното јавно обвинителство Битола донесе наредба за спроведување на истражна постапка, како и предлог за определување на мерка притвор и куќен притвор против три лица поради сомнеж за сторено разбојништво. Настанот за кој лицата на возраст од 26, 21 и 19 години се осомничени се сличил на 27 јуни, 2018 година во селото Рибарци. Осомничените според Обвинителството, претходно се договориле и маскирани со црни чорапи на главите, отишле пред куќата на оштетената.

Таму со нож ја пресекле заштитната мрежа за инсекти на прозорецот од гостинската соба на куќата, го отвориле прозорецот и влегле внатре. Ја фатиле оштетената за рацете и за устата за да не вика и со употреба на нож во должина од околу 30 сантиметри и се заканиле дека ќе ја убијат. Додека едниот од осомничените ја држел оштетената, другите двајца пребарувале низ собите и одзеле женска кожна чанта во која имало банкноти од различни валути и други вредни предмети, во вкупна вредност од 67.000 денари.

Ценејќи дека се исполнети законските основи, надлежниот јавен обвинител до судијата на претходна постапка од Основниот суд во Битола достави предлог за определување мерка притвор за двајца од осомничените, додека за третиот предложи мерка куќен притвор.

Основното јавно обвинителство Битола донесе Наредба за спроведување истражна постапка против три лица, за кои постои основано сомнение дека во соизвршителство сториле кривично дело – Разбојништво од член 237 став 4 во врска со став 1 од Кривичниот законик.

Тоа што е многу поважно е дека се работи за ПРЕТХОДНА проверка, а не за post festum ветинг.

повеќе

Како што расте бројот на оние кои објавуваат непроверени, лажни и злонамерни информации, така се зголемува и бројот на медиуми кои работат со проверка на факти и се борат за вистината во јавниот простор преку одговорно истражување.

повеќе

Единствена работа за која ние граѓаните не плаќаме данок, е воздухот кој го дишеме.

повеќе