Во Истражниот затвор во Шутка

Работникот што го уби холандскиот газда се заканува со нови убиства во притвор, психијатар нема

С.Р. (49), осомничениот за убиство на холанѓанецот Јос М. (59) сопственик на расадникот „Еуроплантс" во тетовско Прељубиште, кој пред 10 дена почина откако беше удрен со камен во глава бил вознемирен, гласен и агресивен во притворската ќелија во Истражниот затвор во Шутка и се заканувал со нови убиства, дознава МКД.мк. Според нашите информаци овој осомничен нападнал и цимер во ќелијата, обидувајќи се да го задави. Го спасила брзата реакција на затворската полицијата.

Мерката притвор сега овој осомничен ја издржува со друг цимер и е под посебен надзор. Во ќелијата седел на едно место, не давал никој да му се доближи, со закани дека повторно ќе нападне и убие, а постојано зборувал за војната во Вуковар и за убивање.

Во Истражниот затвор во Шутка во моментов нема ниту стручно лице, односно психијатар кој ќе може да позборува и да му пружи стручна лекарска помош на овој притвореник.

Оваа информација ни ја потврдија и од Управата за Извршување на санкции од каде најавија одговор до утре.

Психијатарот кој работеше во Истражниот затвор во Шутка, а кој во исто време беше и психијатар во затворот во Идризово, пред околу еден месец заминал во пензија. Лекарскиот тим кој работи во овие два затвори е во надлежност на Здравствен дом Скопје.

По настанот, С.Р. кој бил вработен во расадникот бил лишен од слобода, а по извршениот увид и разговор со него во полициска станица, СВР Тетово до обвинителството достави кривична пријава за убиство.

На предлог на Обвинителството, а со одлука на судија на претходна постапка, определена му е мерка притвор од 30 дена.

Според првичните податоци од увидот на местото и разговор со вработените, на убиството му претходела расправија и физичка пресметка. Работникот со камен неколку пати го удрил и го усмртил сопственикот на расадникот.

Холандскиот државјанин пред десетина години,како концесионер на имотот на агрокомбинатот Борец ја започнал работата на расадникот „Еуроплантс".

Во моментов во Обвинителството трае истрага за случајот со убиството на холандскиот газда. 

К.Д.

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе