Приведен битолчанец, полицијата му пронашла кокаин и марихуана

На наплатна станица Сопот, полициски службеници од Одделот за сериозен и организиран криминал – Единица за недозволена трговија со дрога, во координација со СВР Велес, СВР Битола и во содејство со Единица за службени кучиња вчера го лишиле од слобода Д.Д.(33) од Битола, поради основи на сомнение за извршено кривично дело по чл. 215 од Кривичниот законик.

Како што соопшти МВР, при преглед на патничко возило „БМВ“ со битолски регистарски ознаки, управувано од Д.Д., биле пронајдени и одземени ќеса со кокаин и едно пакување со марихуана. Лицето е приведено во СВР Велес за понатамошна постапка, а за случајот е известен Јавен обвинител и по негово документирање против него ќе биде поднесен соодветен поднесок.