Притворен гостиварец, провалувал во автомобили и крадел уметнички слики и опрема

Полицијата рачисти серија провални кражби во автомобили, што изминативе две недели беа регистрирани во Гостивар. На осомничениот му определен притвор и од синоќа е во КПУ Скопје.

Гостиварецот Б.С. (30) е осомничен дека извршил 27 тешки кражби од кои најголемиот дел во јануари, со провалување во автомобили со кршење на стакла од вратите. Неговиот плен биле вредни предмети кои сопствениците ги оставале во возилата.

Пред два дена полициски службеници извршиле претрес во објект на улица „Јордан Јордановски“ во Гостивар, во кој времено престојувал осомничениот.

„При претресот, реализиран со судска наредба, во објектот се пронајдени предмети кои потекнуваат од повеќе тешки кражби: уметнички слики, разновиден алат, кабли, лекарства, аудио опрема и други предмети. Б.С. е лишен од слобода и задржан во Полициската станица Гостивар, поради сомнение дека е сторител на тешки кражби“, велат од СВР Тетово.

Дел од пронајдените предмети им се вратени сопствениците. По приведувањето, нему му е поднесена кривична пријава, а судија на претходна постапка синоќа му определил притвор со траење од осум денови, по што е предаден на издржување на мерката во скопскиот истражен затвор.

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе

Наместо ефтини штосови на прес конференциите на СДСМ, ВМРО и ДУИ, на кои во несвест паѓаат само  партиските послушници, нивните лидери треба да одговорат на конкретни прашања.

повеќе