Кривични пријави за насилство

Прилепчани претепале сограѓанин и му го запалиле возилото

Надворешната канцеларија за криминалистички работи Прилеп до Основното јавно обвинителство Прилеп поднесе кривична пријава против Д.В. (26) и Б.Ј. (21), двајцата од Прилеп, поради постоење основи на сомнение за сторено кривично дело насилство. 

Според МВР, пред два дена еден час по полноќ оштетениот Л.П. со неговиот другар со патничко возило пежо 306 со прилепски регистарски ознаки се паркирале пред продавница на ул. „Марксова" за да купат јадење. Во еден момент до него се доближило возило ауди 3  со прилепски регистарски ознаки, во кое биле пријавените. Д.В. без никакво предупредување му удрил шамар на оштетениот.

Во тој момент, П.Л. му се извинил ако му има направено нешто лошо и им рекол дека не ги познава, но Д.В. и Б.Ј. се нафрлиле на него и го удриле по грбот и рамото. П.Л. се обидел да им побегне, а пријавените го стасале набргу и почнале да го удираат со тупаници, при што му нанеле тешки телесни повреди. По кратка борба оштетениот успеал да избега, а пријавените зеле еден клуч за тркала и една пумпа и со тие предмети почнале да го кршат возилото на оштетениот.

После тоа, Д.В. го зел возилото на П.Л. и заминал на автопатот за Битола, каде што со запалива течност го запалил и тоа изгорело целосно. Со извршеното дело Д.В. и Б.Ј. предизвикале материјална штета од 90.000 денари.

Националното достоинство и идентитет не се статични „од Бога дадени" категории, туку динамични категории кои зависат од нашите постапки и акции.

повеќе

Не е во прашање само Русија VS Западот. Има нов играч на масата.

повеќе

Ако на референдумот на 30 септември македонските гласачи изгласаат да се смени името на нивната држава во Северна Македонија, НАТО треба да ја покани нивната влада во Алијансата.

повеќе