Претрес во Битола, запленета дрога, приведено едно лице

При претрес во домот на П.Б (31) од Битола била пронајдена и одземена дрога, по што лицето е лишено од слобода, информира Министерството за внатрешни работи.

„На 25 февруари, полициски службеници од Отсекот за недозволена трговија со дрога и оружје од Одделението за криминалистичка полиција при СВР Битола, врз основа на судска наредба, извршиле претрес во домот и помошни простории на П.Б.(31) од Битола. При претресот биле пронајдени и одземени хероин, амфетамин, марихуана и семки од марихуана. П.Б. бил лишен од слобода и приведен во полициска станица и по целосно документирање на случајот против него ќе биде поднесена соодветна пријава“, соопштија од МВР.