Пожар на комунална депонија во Кочани

Отпадот на комуналната депонија на јавното претпријатие „Водовод" од Кочани е запален, а густ чад се шири кон градот и го загадува воздухот. Граѓаните утрово реагираа поради силната миризба на изгорени материи и бараат од одговорните во комуналното претпријатие да се преземат мерки за гаснење на огнот и елиминирање на чадот.

„Реакциите на граѓаните се оправдани затоа што од пред неколку дена градската депонија повторно чади. Причина за тоа е што имавме подметнат пожар, се сомневаме во неколку лица што се забележани околу локацијата и веќе доставивме пријава до полицијата. Полициски службеници излегоа на увид заедно со противпожарен инспектор, па очекуваме натамошна постапка. Депонијата редовно се третира со течен раствор од алги кои го спречуваат самозапалувањето на метанот, така што сегашното чадење е поради намерно потпалување на пластика и други материјали што се исфрлаат таму. Помогнат од силниот ветер, огнот се разгорува и чадот брзо се шири кон градските населби“, истакна Иван Иванов, в.д. директор на КЈП „Водовод".

За да се интервенира во гаснењето на депонијата, вработените во комуналното претпријатие ќе ја искористат наменската цистерна поставена на локацијата и со пумпи за вода ќе го спречуваат ширењето на огнот. Се размислува и за поставување видо надзор на неколку пункта на депонијата, за што претходно треба да се обезбеди електрична инсталација.

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе

Кој кого „мафлосува“, тие нас или ние нив. Чекор напред, три назад, како раковите во Охридското Езеро од моето детство кои исчезнаа во налетот на технолошкиот напредок и уништувањето на животната средина.

повеќе