Притвор за двајца скопјани

Подведувале малолетничка на сексуален однос за пари, за возврат и купувале дрога

Притвор од 30 дена добија две лица од Скопје под сомнение дека подведувале малолетничка на сексуален однос со други лица за пари, а за возврат на девојката и наоѓале престојувалиште и ѝ набавувале опојни дроги. Според МВР, се работи за Б.Б. (23) и С.Р. (20) кои се осомничени за сторено кривично дело „трговија со дете".

Клиентите со кои малолетничката требало да има сексуален однос, а за тоа да платat, ги наоѓале двајцата осомничени. Против овие лица Основното јавно обвинителство за гонење на организиран криминал и корупција донесе Наредба за спроведување на истражна постапка под сомнение за сторено кривично дело „трговија со дете“.

„Осомничените во поединечни случаи, најпрвин го прифаќале и засолнувале шеснаесетгодишното девојче, а потоа го подведувале на вршење полови дејствија со други лица за одреден паричен надоместок. Исплатените пари за услугите што ги пружала оштетената ги земале осомничените, а за возврат и обезбедувале престојувалиште и ѝ набавувале опојни дроги", соопштуваат од Обвинителството.

Постапувајќи по кривичните пријави поднесени од страна на Министерството за внатрешни работи, јавниот обвинител издаде наредби за судско-медицинско и невропсихијатриско вештачење на оштетената малолетничка.

По добиената информација, Министерството за труд и социјална политика веднаш, во координација со МВР ги презеде сите неопходни мерки за заштита и психо социјална поддршка на малолетната жртва на трговија со луѓе.

На девојката и се направени сите потребни лекарски прегледи и во моментот е сместенa во соодветна институција, информираат од МВР.

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе

Охрид, најголемиот и најпосетен туристички центар во Македонија, балканскиот Ерусалим и европскиот бисер, се менува со брзина на светлината.

повеќе